10. august 2000

UKA 2000 / 22

 

Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisissaattut nr. xx, uu. qqqq 2000-imeersussamut siunnersuut

 

Kapitali 1.
Nassuiaatit

§ 1. Inatsimmi uani "imigassat aalakoornartortallit" tassaapput imigassat suulluunniit aala-koornartortallit.
Imm. 2. Inatsimmi uani "imigassat kimittuut" tassaapput imigassat aalakoornartortallit suulluunniit 4,10 volumenprocentinik taakkuluunniit sinnerlugit kimittutigisunik aalakoornartortallit.
Imm. 3. Inatsimmi uani "imigassat kimikitsut" tassaapput imigassat aalakoornartortallit suul-luunniit 4,10 volumenprocentit aamma 2,25 volumenprocentit akornanni kimittutigisunik aalakoornartortallit
Imm. 4. Inatsimmi uani "imigassanik aalakoornartortalinnik nioqquteqarsinnaanermut/sassaal-lersinnaanermut akuersissut" imaluunniit "akuersissut" tassaavoq imigassanik aalakoornartortalinnik nioqquteqarsinnaanermut sassaallersinnaanermulluunniit akuersissut ataavartoq.
Imm. 5. Inatsimmi uani "ataasiaannartumik akuersissut" tassaavoq ataasiaannartumik aaqqissuussinerup ingerlanneqarnissaanut atatillugu sassaallersinnaanermut akuersissut.

 

Kapitali 2.
Imigassanik aalakoornartortalinnik nioqquteqarsinnaanermut/sassaallersinnaanermut akuersissut

§ 2. Imigassanik aalakoornartortalinnik kimittuunik kimikitsunilluunniit nioqquteqassagaanni sassaalliissagaanniluunniit imigassanik aalakoornartortalinnik nioqquteqarsinnaanermut/sas-saallersinnaanermut akuersissummik atuuttumik pigisaqarnissaq piumasaqaataavoq. Imigassanik aalakoornartortalinnik nioqquteqarsinnaaner mut/sassaallersinnaanermut akuersissummik pissarsisinnaassagaanni niuernermik, assassornermik suliffissuarmillu ingerlatsinermik imaluunniit sutorniartarfiutilittut akunnittarfiutilittullu inuussutissarsiummut allagartamik akuersissummik atuuttumik pigisaqarnissaq piumasaqaataavoq, tak. Kalaallit Nunaanni namminersorluni inuutissarsiuteqarneq pillugu Inatsisartut inatsisaat aamma Kalaallit Nunaanni neriniartarfinnik akunnittarfinnillu ingerlatsinerit pillugit Inatsisartut inatsisaat, taamaattoq tak. imm. 2.
Imm. 2. § 2 malillugu imigassanik aalakoornartortalinnik nioqquteqarsinnaanermut/sassaaller-sinnaanermut akuersissummik aamma inuussutissarsiummut allagartamik pigisaqarnissamik piumasaqaat atuuppoq pisortat suliffiutaannut niuertarfinnut, akunnittarfinnut, sutorniartarfinnut umiarsuarnullu, inatsisiliat allat naapertorlugit pinngitsoortinneqartussaanngippata.

§ 3. Imigassanik aalakoornartortalinnik nioqquteqarsinnaanermut/sassaallersinnaanermut aku-ersissut kommunimi pineqartumi kommunalbestyrelsimit tunniunneqartassaaq, najukkanili kommunit aggornerisa avataanniittuni imigassanik aalakoornartortalinnik nioqquteqarsinnaanermut/sassaallersinnaanermut akuersissutit Naalakkersuisunit tunniunneqartassapput.
Imm. 2. Imigassanik aalakoornartortalinnik nioqquteqarsinnaaner mut/sassaallersinnaanermut akuersissummik tunniussinermut atatillugu inuiaqatigiinnut ataqatigiissumik imernaveersaarnissamik periarfissaqartitsinerunissaq kommunalbestyrelsip eqqarsaatigissavaa. Aammattaaq kommunalbestyrelsi immikkut piumasaqaatinik aalajangersaasinnaavoq imernaveersaarnissap periarfissaqarnerulernissaa anguniarlugu imaluunniit avatangiisinut inuiaqatigiinnullu akornutaasut killilersimaarniarlugit.
Imm. 3. Imigassanik aalakoornartortalinnik nioqquteqarsinnaanermut sassaallersinnaanermut akuersissutit assigiinngitsut uku pigineqarput:
1) imigassanik aalakoornartortalinnik kimittuunik aamma imigassanik aalakoornartortalinnik kimikitsunik nioqquteqarsinnaanermut akuersissut (type A)
2) imigassanik aalakoornartortalinnik kimittuunik kimikitsunillu sassaallersinnaanermut akuersissut (type B)
3) imigassanik aalakoornartortalinnik kimikitsuinnarnik nioqquteqarnissamut akuersissut (type C)
4) imigassanik aalakoornartortalinnik kimikitsuinnarnik sassaallernissamut akuersissut (type D)
5) § 13, imm. 2 malillugu sassaallersinnaanermut akuersissut (type E). Akuersissutip suunera akuersissutitut allagartami erseqqissumik allassimassaaq.
Imm. 4. Akuersissut inimut ininulluunniit aalajangersimasunut atatinneqassaaq. Init suut pine-qarnersut akuersissutitut allagartami erseqqissumik allassimassaaq.
Imm. 5. Akuersissut akuersissummik piginnittumit niuertarfimmi sassaallerfimmiluunniit isersimasunut tamanut takuneqarsinnaanngorlugu inissinneqassaaq.
Imm. 6. Akuersissut ukiunut pingasunut atuuttussanngorlugu tunniunneqartassaaq. Immikkut ittunik pissutissaqartillugu kommunalbestyrelsi piffissamut sivikitsuinnarmut akuersissuteqarsinnaavoq, soorlu ukiuunerani aasaaneraniluunniit atuuttussamik.
Imm. 7. Kommunalbestyrelsip akuersissutigisinnaavaa nioqquteqartarneq sassaallertarnerluunniit akuersissummik qinnuteqaatip tunniunneqarneraniillu aallartissinnaasoq. Immikkut akuersissut taamaattoq piffissamut killilimmut akuersissutitut tunniunneqartassaaq, sivisunerpaamik akuersissuterpiaq pillugu kommunalbestyrelsip aalajangiinerata tiguneqarnissaata tungaanut. Akuersissut kimut tunniunneqarsimanersoq, akuersissut sorleq pineqarnersoq, init suut akuersissummi ilaatinneqarnersut kiisalu akuersissummut piumasaqaataasimasinnaasut pillugit paasissutissanik akuersissut imaqassaaq.
Imm. 8. Piffissami akuersissutip atuuffiani suliffeqarfimmut piginnittumulluunniit tunngassuteqartut annertuumik allannguuteqarsimappata akuersissut kommunalbestyrelsip nutaamik isummerfigisinnaavaa. Akuersissutaareersut kommunalbestyrelsip piffissami killilikkami ataa-vartumilluunniit arsaarinnissutigisinnaavai annertuumik qalleqqittumilluunniit sumiginnaanerit pineqarpata, tak. § 7.
Imm. 9. Imm. 2-9-mi aalajangersakkat imigassanik aalakoornartortalinnik nioqquteqarsinnaanermut/sassaallersinnaanermut akuersissutinut Naalakkersuisunit tunniunneqartunut aamma atuupput.
Imm. 10. Akuersissutip tunniunneqarsimasup nuutinnera kommunalbestyrelsimit najukkami politiinut tamatigut nassiunneqartassaaq. Imm. 7 malillugu akuersissutip nuutinnera aamma kommunalbestyrelsimit najukkami politiinut nassiunneqartassaaq.

§ 4. Inuit imigassanik aalakoornartortalinnik nioqquteqarsinnaaner mut/sassaallersinnaanermut akuersissummik pisinnaassagunik
1) 25-nik ukioqalereersimasuussapput, taamaattoq tak. imm. 13,
2) nammineersinnaassusiiagaasimassanatik nakkutigineqartussaanatilluunniit,
3) aningaasaqarnikkut ajutoorsimasuussanatik akilersuinerminnilluunniit unitsitsisimasuussanatik,
4) suliffimmillu illersorneqarsinnaasumik ingerlatsisinnaanngitsutut isumaqalersitsisinnaasumik pissusilersortartuusimassanatik, aamma
5) imm. 9-mi taaneqartutut tunniunneqartunik tigusaqarsimasuussanatik imaluunniit pisussaaffilersimasuussanatik.
Imm. 2. Ingerlatseqatigiiffinni suliffinniluunniit imigassanik aalakoornartortalinnik nioqquteqarsinnaanermut/sassaallersinnaanermut akuersissummik tunineqarnissaminnik kissaatigisaqartuni pisortaat siulersuisunullu ilaasortat imm. 1-imi pissutissaatitaasut namminneq inuttut eqquutsissimassavaat. Ilaasortat nutaat ingerlatseqatigiiffiit pisortaqatigiivinut siulersuisuinulluunniit ilannguttut imm. 1-imi pissutissaatitaasut namminneq inuttut eqquutsissimassavaat. Allannguuteqarnerit pillugit nalunaarut allannguutip atuutilernerata kingorna kingusinnerpaamik ullut arfineq marluk qaangiutsinnagit kommunalbestyrelsimut tunniunneqartassaaq. Pisuni immikkorluinnaq ittuni pissutissaatitaasut ingerlatseqatigiiffinnut, pisortanut imaluunniit siulersuisuni ilaasortanit eqquutsinneqannginnissaat Naalakkersuisut akuerisinnaavaat.
Imm. 3. Naalakkersuisut akuersiseqqaarnagit imigassanik aalakoornartortalinnik nioqquteqarsinnaanermut/sassaallersinnaanermut akuersissutit ingerlatseqatigiiffinnut il.il. aatsaat tunniunneqarsinnaapput pissutissaatitaasut allat tamarmik eqquutsinneqarsimappata aammalu ingerlatseqatigiiffiit ileqqoreqqusaanni aalajangersarneqarsimappat aktiaatit, piginneqataanermut up-pernarsaatit il.il. kimulluunniit imigassanik aalakoornartortalinnik kimittuunik kimikitsunilluunniit piliortunut nioqqoteqartunullu tigusassanngortinneqaratilluunniit tunniunneqassanngitsut, aktiaatit, piginneqataanermut uppernarsaatit il.il. tamarmik piginnittup aqqanut allassimassasut taamatullu allattorneqassasut tunniussinissarlu siulersuisunit akuerineqaqqaarsimassasoq.
Imm. 4. Suliffeqarfinni imigassanik aalakoornartortalinnik nioqquteqarsinnaanermut/sassaal-lersinnaanermut akuersissummik peqartuni pisortaatitat imm. 1-imi normu 1-5-imi pissutissaatitaasut eqquutsissimassavaat suliffeqarfimmilu pisortaalinnginnerminni taamaattussatut kommunalbestyrelsimit akuerineqarsimassallutik.
Imm. 5. Peqatigiiffiit, klubbit il.il. imigassanik aalakoornartortalinnik kimittuunik kimikitsunilluunniit sassaallernertut ittunik ingerlatsisut imigassanik aalakoornartortalinnik nioqquteqarsinnaanermut/sassaallersinnaanermut akuersissummik peqassapput.
Imm. 6. Peqatigiiffiit, klubbit il.il. aalajangersimasunik iniutillit sapaatillu akunneranut ataasiaannaratik ammatitsisartut, feriarnerup nalaani matoqqatitsinerit eqqaassanngikkaanni, imigassanillu aalakoornartortalinnik kimittuunik kimikitsunilluunniit akiliuteqartitsillutik sassaallertartut imigassanik aalakoornartortalinnik nioqquteqarsinnaaner mut/sassaallersinnaanermut akuersissummik peqassapput. Tamanna atuuppoq peqatigiiffiup klubbilluunniit nammineq ilaasortaannai sassaallerfigineqartaraluarpataluunniit.
Imm. 7. Peqatigiiffiit, klubbit il.il. aalajangersimasunik iniutillit sapaatillu akunneranut ataasiarlutik akuttunerusumilluunniit ammatitsisartut, akiliuteqartitsillutillu imigassanik aalakoornartortalinnik kimittuunik kimikitsunilluunniit peqatigiiffiup klubbilluunniit ilaasortaannarinngisaanut sassaallertartut imigassanik aalakoornartortalinnik nioqquteqarsinnaanermut/sassaaller-sinnaanermut akuersissummik peqassapput.
Imm. 8. Peqatigiiffiit klubbillu imm. 5-7-ni taaneqartut akisussaasutut siulersuisuisa imm. 1-imi pissutissaatitaasut namminneq inuttut eqquutsissimassavaat. Peqatigiiffiup klubbilluunniit siulersuisuini nutaamik ilaasortanngortut imm. 1-imi pissutissaatitaasut namminneq inuttut aamma eqquutsissimassavaat. Allannguutinik nalunaarut allannguutit pinerannit kingusinnerpaamik ullut arfineq-marluk qaangiutsinnagit kommunalbestyrelsimut tunniunneqassaaq. Pisuni immikkorluinnaq ittuni pissutissaatitaasut taaneqartut siulersuisuni ilaasortanit eqquutsinneqannginnissaat Naalakkersuisut akuerisinnaavaat.
Imm. 9. Naalakkersuisut akuersiseqqaartinnagit imigassanik aalakoornartortalinnik nioqquteqarsinnaanermut/sassaallersinnaanermut akuersissummik pigisaqartut suliffinnilu imigassanik aalakoornartortalinnik nioqquteqarsinnaanermut/sassaallersinnaanermut akuersissummik pigisaqartuni pisortaatitat kimilluunniit imigassanik kimittuunik kimikitsunilluuniit piliortunit nioqquteqartunilluunniit taarsigassarsianik tigusaqassanngillat, matumaniittaaq pequtinik attartussanatik, aallaqqaasiutissinneqassanatik nalinginnaasuunngitsumilluunniit akiligassaqalersussan-ngussanatik. Aammattaaq Naalakkersuisut akuersiseqqaartinnagit pineqartut imminnut pisussaaffilissanngillat naammassineqarnissaat kimilluunniit imigassanik kimittuunik kimikitsunilluunniit piliortumit nioqquteqartartumilluunnit qularnaveeqqusiivigineqartunik.
Imm. 10. Imm. 9-mi oqaaseqatigiinni siullerni piumasaqaatit taaneqartut tunissutinut nalikitsuunngitsunut akuersissummik pigisaqartup suliffiutaani atugassatut aalajangerneqarsimasunut taamatulli atuupput.
Imm. 11. Imm. 9-mi aalajangersakkat aningaasalersuisarfinnit taarsigassarsianut, aallaqqaasiutissanut imaluunniit qularnaveeqqusiissutinut atuutsinneqassanngillat, taakku ileqqoreqqusamikkut imigassanik kimittuunik kimikitsunilluunniit pisiniartarfinnut qilersorsimannginnermik qulakkeerisimasunut, taamaattumillu aalajangersagaq manna tunngavigalugu Naalakkersuisunit akuerineqarsinnaasimasut.
Imm. 12. Naalakkersuisut akuersiseqqaartinnagit inuit imaluunniit ingerlatseqatigiiffiit il.il. imigassanik kimittuunik kimikitsunilluunniit piliortut nioqquteqartulluunniit, imaluunniit ingerlatseqatigiiffinni il.il. pisortaqatigiinnut siulersuisunulluunniit ilaasut imigassanik kimittuunik kimikitsunilluunniit piliortut nioqquteqartulluunniit imigassanik aalakoornartortalinnik nioqquteqarsinnaanermut/sassaallersinnaanermut akuersissummik tunineqarsinnaanngillat.
Imm. 13. Nunaqarfiit pisiniarfii eqqarsaatigalugit pisiniarfiit pisortaannut nunaqarfiillu niuertuinut imm. 1 nr. 1-imi piumasaqaatit kommunalbestyrelsip sanioqqussinnaavai.

§ 5. Imigassanik aalakoornartortalinnik nioqquteqarsinnaanermut/sassaallersinnaanermut aku-ersissut atorunnaassaaq
1) akuersissummik pigisaqartoq toquppat, taamaattoq tak. imm. 2,
2) akuersissutip atuuffia naasimappat nutarterneqarnissaanillu qinnuteqaat kommunalbestyrel-simut tunniunneqarsimanngippat,
3) akuersissummik pigisaqartup § 4-imi pissutissaatitaasut eqquutsikkunnaarpagit.
Imm. 2. Toqusup qimataasa, katissimallugu aapparisap pigisat allanngortinnagit ingerlatseqqittup, akiligassanik akiliisinnaajunnaartup suliffiutaata imaluunniit nammineersinnaajunnaarsitaasimasumut angajoqqaatut sinniisuusup kommunimut nalunaaruteqareernikkut toqusup, akiliisinnaajunnaartup imaluunniit nammineersinnaajunnaarsitaasimasup suliffiutaata taamaatikkiartuaarnissaa, tunineqarnissaa taamaaqataanilluunniit pineqarnissaa siunertaralugu imigassanik aalakoornartortalinnik nioqquteqarsinnaanermut/sassaallersinnaanermut akuersissummik nutarterinani ingerlateqqissinnaavaa. Taamaaliorsinnaaneq toqusoqarnerata, akiliisinnaajunnaarnerup nalunaarutigineqarnerata imaluunniit nammineersinnaajunnaarsitsinerup kingorna ukiumi ataasiinnarmi atuuppoq. Pisuni immikkorluinnaq ittuni piffissaliussaq kommunalbesty-relsip sivitsorsinnaavaa.
Imm. 3. Pisortaatitap akuerineqarnera, tak. § 4, imm. 4, atorunnaassaaq pineqartup inuussutissarsiornermut allagartamik imaluunniit imigassanik aalakoornartortalinnik nioqquteqarsinnaanermut/sassaallersinnaanermut akuersissummik pissarsinissaminut pissutissaatitaasut eqquutsikkunnaarpagit.

§ 6. Suliffiup ingerlanneqarnerata imernipalaaq, atoqatigiinnikkut ileqqorluttuliornerit kan-ngunartuliornerillu, nakuuserneq pinerlunniarnerilluunniit annertusaavigippagit, ingerlataqartorlu siornatigut politiinit mianersoqquneqarsimappat, pissutsit taamaattut unitsinneqarnissaat anguniarlugu kommunalbestyrelsi piumasaqaasiorsinnaavoq. Anguniagassatut piumasarineqartut taamaattut unioqqutinneqarpata kommunalbestyrelsip akuersissut arsaarinnissutigigallarsinnaalluguluunniit ataavartumik arsaarinnissutigisinnaavaa imm. 2-p pissuteqataanik.
Imm. 2. Akuersissummik pigisaqartoq suliffimmi annertuumik sumiginnaasutut pisuutinneqarpat, matumanittaaq imigassanik nioqquteqarfiusartussatut sassaallerfiusartussatullu piffissanik kapitali 4-mi taaneqartunik, kommunalbestyrelsip akuersissut qaammammi ataatsimi arsaarinnissutigisinnaavaa. Piffissap akuersissuteqarfiusup iluani qalleqqiisumik unioqqutitsisoqarpat, pissutsillu tamakku suliffiup siunissami illersorneqarsinnaasumik ingerlanneqarsinnaanissaa qularnarsisippassuk kommunalbestyrelsip akuersissut ataavartumik arsaarinnissutigisinnaavaa.

§ 7. Imigassanik aalakoornartortalinnik nioqquteqarsinnaanermut/sassaallersinnaanermut aku-ersissut atorunnaarsimappat imaluuniit § 5 6-iluunniit malillugu arsaarinnissutigineqarsimappat akuersissut piaartumik kommunalbestyrelsimut utertinneqassaaq.
Imm. 2. Akuersissut atorunnaarsinneqarsimappat imaluunniit arsaarinnissutigineqarnissaa aalajangiunneqarsimappat kommunalbestyrelsip najukkami politiit tamatuminnga nalunaarfigissavai.

§ 8. Peqatigiiffiit katerisimaartitsinerini ataasiaannartuni katersortarfinni, filmertarfinni ininiluunniit allani kikkunnilluunniit atorneqarsinnaasuni ingerlanneqartuni imigassanik kimittuunik kimikitsunilluunniit akiliuteqartitsilluni sassaallerneq sassaallernermulluunniit assingusumik imertitsineq pisuni ataasiakkaani tamani ataasiaannartumik akuersissummik kommunalbestyrelsimit pissarsiniaqqaarluni aatsaat pisinnaavoq.
Imm. 2. Peqatigiiffiit, klubbit il.il. pisumi ataasiinnarmi akiliuteqartitsillutik imigassanik kimittuunik kimikitsunilluunniit sassaallertut ataasiaannartumik akuersissummik kommunalbestyrelsimit sioqqutsisumik pissarsiniareersimassapput. Tamanna atuuppoq sassaalliineq peqatigiiffiup klubbilluunniit ilaasortaannaanut pigaluarpaluarpalluunniit.
Imm. 3. Ataasiaannartumik akuersissutit piumasaqaatitalerneqarsinnaapput.
Imm. 4. Aaqqissuussinerup ataasiaannartumik akuersissummik pissarsiniunneqarsimasup ingerlanneqarnissaa sioqqullugu ataasiaannartumik akuersissutip assilinera kommunalbestyrelsip politiinut nassiutissavaa.
Imm. 5. Imigassanik aalakoornartortalinnik nioqquteqarsinnaaner mut/sassaallersinnaanermut akuersissummik aalajangersimasumik peqarnissamik piumasaqaatip saneqqunneqarnissaa siunertarineqarpat imm. 1-imi 2-milu aalajangersakkat apeqqutaatinnagit ataasiaannartumik akuersissutit tunniunneqarsinnaassanngillat.

 

Kapitali 3.
Inuussutissarsiutigalugu init sassaallerfiit

§ 9. Imigassanik kimittuunik kimikitsunilluunniit inuussutissarsiutigalugu sassaallerneq taamaallaat inini sutorniartarfittut aaqqissuunneqarsimasuni akuerineqarsimasunilu pisinnaavoq. Taamaattoq immikkut pissutissaqartillugu kommunalbestyrelsip tamanna atortinngitsoorsinnaavaa. Immikkut akuersissutit taamaattut tunniunneqarnerat kommunalbestyrelsip politiinut nalu-naarutigisassavaa.

Sassaallertarfiit illutaanniit annissassanik nioqquteqarneq

§ 10. Sutorniartarfinnit sassaallerfiusunillu allanit imigassanik kimittuunik kimikitsunilluunniit annissassanik nioqquteqartoqassanngilaq, tamakku nerisassanik aggiussititsilluni annitassanilluunniit pisinermut ilaatinneqanngippata.

 

Kapitali 4.
Piffissat imigassanik kimittuunik kimikitsunillu nioqquteqarfiusartut sassaallerfiusartullu

§ 11. Imigassanik kimittuunik nioqquteqarneq ataasinngornermiit tallimanngorneq ilanngullugu nal. 09.00-imiit nal. 18.00-imut, arfininngornikkut nal. 09.00-imiit 13.00-imut pisinnaavoq, taamaattoq tak. imm. 3.
Imm. 2. Imm. 1-imi aalajangersagaq apeqqutaatinnagu sapaassuarni nalliuttunilu, juulliaqqami, ukiutoqqami, Kunngit Pingasut ulluanni kiisalu Kalaallit Inuiattut Ulluanni (ullortunermi) imigassanik kimittuunik nioqquteqarneq inerteqqutaavoq.
Imm. 3. Imm. 1-imi aalajangersagaq sap. akunneranilu ulloq suunersoq apeqqutaatinnagit de-cembarip 23-iani aamma decembarip 30-iani imigassanik kimittuunik nioqquteqarneq nal. 09.00-imiit nal. 18.00-imut ingerlanneqarsinnaavoq.

§ 12. Imigassanik kimikitsut nioqqutigineqarsinnaapput ataasinngornermiit tallimanngorneq ilanngullugu nal. 09.00-imiit nal. 18.00-imut, arfininngornikkulli nal. 9.00-imiit 13.00-imut pisinnaavoq, taamaattoq tak. imm. 3.
Imm. 2. Imm. 1-imi aalajangersakkat apeqqutaatinnagit sapaassuarni nalliuttuni, juulliaqqami, ukiutoqqami, Kunngit Pingasut ulluanni kiisalu Kalaallit Inuiattut Ulluanni (ullortunermi) imigassanik kimikitsunik nioqquteqarneq inerteqqutaavoq.
Imm. 3. Imm. 1-imi aalajangersagaq sap. akunneranilu ulloq suunersoq apeqqutaatinnagit de-cembarip 23-iani aamma decembarip 30-iani imigassanik kimittuunik nioqquteqarneq nal. 09.00-imiit nal. 18.00-imut ingerlanneqarsinnaavoq.

§ 13. Imigassanik kimittuunik kimikitsunillu sassaallerneq ulluinnarni nal. 12.00-imi 24.00-imut pisinnaavoq, taamaattoq tak. imm. 2 aamma 6. Tallimanngornerni arfininngornernilu kiisalu ukiutoqqami, unnunni Sisamanngornerup Illernartup, Tussiarfissuup aamma Qilaliarfiup siuliini imigassanik aalakoornartortalinnik kimittuunik kimikitsunillu sassaallerneq nal. 3.00-p tungaanut pisinnaavoq.
Imm. 2. Imm. 1-imi aalajangersagaq apeqqutaatinnagu mittarfiit kioskiinut akunnittarfinnullu unnuiffiusunut piffissami nal. 06.00-imiit nal. 12.00 tungaanut imigassanik kimittuunik kimikitsunillu sassaallernissamut immikkut akuersissutinik kommunalbestyrelsi tunniussisinnaavoq. Akuersissut taanna piffissamut tamarmut taassumaluunniit ilaanut akuersissutitut tunniunneqarsinnaavoq. Akuersissummi erseqqissumik taaneqassaaq piffissaq nal. 6.00-ip 12-illu akornanni akuersissuteqarfiusoq.
Imm. 3. Imm. 1-imi aamma 2-mi aalajangersakkat apeqqutaatinnagit juullerujussuarmi sassaallerneq inerteqqutaavoq. Kunngit pingasut ulluanni, Tallimanngornermi Tannaartumi, Poorskimi, Piinsimi, Kalaallit Inuiattut Ulluanni Ukiortaamilu sassaallerneq taamaallaat nal. 18.00-imit pisinnaavoq. Juulliaqqami sassaallerneq taamaallaat nal. 18.00-ip 21.00-illu akornanni pi-sinnaavoq.
Imm. 4. Imm. 1-imi 3-milu aalajangersakkat imigassanik aalakoornartortalinnik nioqquteqarsinnaanermut/sassaallersinnaanermut akuersissutinut aamma ataasiaannartumik akuersissutinut atuupput.
Imm. 5. Imm. 1-imi aalajangersagaq apeqqutaatinnagu ukiunik akunnaalliliilluni inuuissiortoqarneranut, katittoqarneranut (ilanngullugit aappariinnermi ukiunik 25-inngortorsiorneq, 50-inngortorsiorneq il.il.), peqatigiiffiit nalliuttorsiornerinut aamma Inatsisartunut qinersinermut atatillugu aaqqissuussinerit pineqarpata qinnuteqartoqarneratigut sapaammit sisamanngorneq ilanngullugu nal. 02.00-ip tungaanut imigassanik kimittuunik kimikitsunillu sassaallernissamut ataasiaannartumik akuersissummik kommunalbestyrelsi tunniussisinnaavoq. Aaqqissuussinerup ingerlanneqarnissaa pillugu najukkami politiit kingusinnerpaamik ullormik ataatsimik sioqqutsilluni kommunalbestyrelsimit ilisimatinneqassapput.
Imm. 6. Imm. 1-imi aalajangersagaq apeqqutaatinnagu ukiunik akunnaalliliilluni inuuissiortoqarneranut, katittoqarneranut (ilanngullugit aappariinnermi ukiunik 25-nngortorsiorneq, 50-inngortorsiorneq il.il.), peqatigiiffiit nalliuttorsiornerinut aamma Inatsisartunut qinersinermut atatillugu aaqqissuussinerni tamanut ammanngitsuni ataasiaannartumik akuersissummik tunniussisoqanngikkaluartoq akuersissummik pigisaqartup imigassanik kimittuunik kimikitsunillu sapaammiit sisamanngorneq ilanngullugu nal. 02.00 tungaanut sassaallersinnaanera imigassanik aalakoornartortalinnik nioqquteqarsinnaanermut/sassaallersinnaanermut akuersissummik piginnittup akuersissutaataani allataqarnikkut kommunalbestyrelsip immikkut akuerisinnaavaa. Aaqqissuussineq ingerlanneqassaaq inimi sassaallerfissatut akuerineqarsimasumi akuersissummillu pigisaqartup akuersissutaataani pineqartunut ilaasumi. Akuersissummik pigisaqartup aqqissuussinerup ingerlanneqarnissaa pillugu najukkami politiit kingusinnerpaamik ullormik ataatsimik sioqqutsilluni ilisimatissimassavai.

§ 14. "Nerisassanik angerlaassassanik" pisinermut atatillugu imigassanik kimittuunik kimikitsunillu nioqquteqarneq ullut tamaasa nal. 11.00-ip nal. 20.00-illu akornanni ingerlanneqarsinnaavoq.

 

Kapitali 5.
Imigassaq ikiaroornartullu pillugit Siunnersuisoqatigiit

§ 15. Imigassaq ikiaroornartorlu pillugit Siunnersuisoqatigiit Naalakkersuisunit pilersinneqartut imigassamut ikiiaroornartumullu tamanut tunngatillugu apeqqutini Naalakkersuisunut siun-nersuisuussapput. Siunnersuisoqatigiit siulittaasortik namminneq qinertassavaat, suleriaasissartillu namminneq aalajangersartassallugu.
Imm. 2. Siunnersuisoqatigiit imigassanik, ikiaroornartunik stoffinillu taakku assigisaannik atornerluinerup ingerlarnga malinnaaffigissavaat tamannalu pillugu ukiumoortumik Naalakkersuisunut nalunaarusiortassallutik.

 

Kapitali 6.
Ataatsimoortumik aalajangersakkat

§ 16. Angerlarsimaffinni aalakoornartulinnik imigassaliorneq inerteqqutaavoq.
Imm. 2. Immiassat, sungarnitsussat akuutissallu allat angerlarsimaffimmi aalakoornartulinnik imigassaliornermi atorneqarajuttut Kalaallit Nunaannut eqqunnissaat inerteqqutapput.

§ 17. Inini nioqquteqarfinni nioqquteqarfinnullu assingusuni sassaalernerup pissuseqataanik imigassanik aalakoornartortalinnik tunniussisoqassanngilaq.

§ 18. Imigassanik kimittuunik kimikitsunilluunniit inunnut 18-inik ukioqalersimanngitsunut imaluunniit aalakoortunut nioqquteqarneq sassaallernerluunniit inerteqqutaavoq.
Imm. 2. Imigassanik kimittuunik kimikitsunilluunniit automat atorlugu nioqquteqarneq sassaallernerluunniit inerteqqutaavoq.
Imm. 3. Akuersissummik piginnittuusup isersimasunut tamanut saqqumisumi inerteqqutit imm. 1-imi taaneqartut allagarsiissutigissavai.
Imm. 4. Akuersissummik piginnittup aamma nioqquteqarnermut sassaallernermulluunniit akisussaasup inuup ilumut 18-inik ukioqalereersimaneranut uppernarsaatissat pisariaqartunik pissarsiariniarnissaat akisussaaffigaat.
Imm. 5. Nal. 20.00-ip kingorna inuit 18-inik ukioqalereersimanngitsut sutorniartarfinnut allanulluunniit imigassanik aalakoornartortalinnik sassaallertarfinnut iseqqusaanngillat angajoqqaaminnit, angajoqqaatut sinniisuminnit inersimasumilluunniit allamit nammineersinnaassusilimiit nammineersinnaassuseqalersimanngitsumut immikkut akisussaaffilimmit ingiaqatigineqanngikkunik. Tamannali umiarsuarnut atuutsinneqassanngilaq Søfartsstyrelsip ilaasunik amerlassusiliinermini umiarsuup sutorniartarfiani issiavissat ilanngullugit naatsorsuutigisimappagit.

§ 19. Akuersissummik piginnittuusup sassaallertarfinniluunniit akisussaasut sassaallertarfimmilu sulisut isersimasunik imigassanik aalakoornartortalinnik imeqateqarnissaat politiit inerteqqutigisinnaavaat.
Imm. 2. Sutorniartarfinni sassaallertarfinnilu imigassanik aalakoornartortalinnik sassaallerfiusuni akuersissummik piginnittuusup isumagissavaa imerneqarsinnaasunik allanik aamma sassaallertoqarnissaanut periarfissaqassasoq, matumani immiaaqqat viinnillu aalakoornartortaqan-ngitsut sodavandillu assigiinngitsut ilanngullugit, taamaattoqarneralu erseqqissumik takuneqarsinnaasariaqarpoq akit viinnillu allattorsimaffiini. Aammattaaq imeq sikulik saqqumitinneqassaaq isersimasunit akiliuteqarani pineqarsinnaanngorlugu.
Imm. 3. Akuersissummik piginnittuusup imerneqarsinnaasut tamaasa aalajangersimasumik akeqartissavai. Akit allattorsimaffii tamanit takuneqarsinnaasumi akigitinneqartut takuneqarsinnaanngorlugit inissinneqarsimassapput.

§ 20. Nioqquteqartarfinni sassaallertarfinniluunniit imaluunniit taakku eqqaanni kamaattoqarsimappat annertuumilluunniit eqqissiviilliortoqarsimappat imigassanik aalakoornartortalinnik nioqquteqarneq sassaallernerlu ullup sinneranut matoqqullugit politiit naalakkiutigisinnaavaat. Taamatut matusineq kommunalbestyrelsimut piaarnerpaamik nalunaarutigineqassaaq.

§ 21. Sutorniartarfiit sassaallertarfiillu allat nal. 03.00-imiit 06.00-imut matoqqassapput.
Imm. 2. Matoqqanerup nalaani nal. akunnera siulleq taamaallaat pinnagu, politiinit akuerineqarsimatinnani sutorniartarfimmiittoqassanngilaq, tamanna ullormut tunisanik naatsorsuinerup, eqqiaanerup nakkutilliinerulluunniit pisariaqartinngippagu. Tamannali atuutissanngilaq umiarsuarnut Søfartsstyrelsip ilaasunik amerlassusiliinermini umiarsuup sutorniartarfiani issiavissat ilanngullugit naatsorsuutigisimappagit.

§ 22. Umiarsuarni umiarsualivinniittuni imigassanik aalakoornartortalinnik ilaasuunngitsunut nioqquteqartoqaranilu sassaallertoqassanngilaq.

§ 23. Naalakkersuisut, kommunalbestyrelsi, taakkuluunniit sinniisuutitai, imaluunniit politiit suliffinni ininut inatsisartut inatsisaanni matumani pineqartunut eqqartuussisut aalajangigaatigut iliorsinnaatitaanermut ilisarnaammik eqqortumik takutitsillutik isernissaat itigartitsissutigineqarsinnaanngilaq.

 

Kapitali 7.
Naalakkersuisunut il.il. piginnaatitsissutit

§ 24. Imigassanik aalakoornartortalinnik nioqquteqarsinnaanermut/sassaallersinnaanermut aamma ataasiaannartumik akuersissutinik tunniussinissamut arsaarinninnissamullu kiisalu § 13, imm. 6 malillugu allataqarnissamut maleruagassat Naalakkersuisut aalajangersarsinnaavaat.
Imm. 2. § 3, imm. 2-mi oqaaseqatigiit aappaat malillugit peqqussutigineqarsinnaasunut immikkut pissutissaatitaasussat pillugit Naalakkersuisut maleruagassanik aalajangersaasinnaapput.
Imm. 3. Imigassanik aalakoornartortalinnik nioqquteqarsinnaanermut/sassaallersinnaanermut aamma ataasiaannartumik akuersissutit qanoq isikkoqarnissaat, suussutsinut agguataarneqarnissaat il.il. pillugit maleruagassat erseqqinnerusut Naalakkersuisut aalajangersarsinnaavaat.
Imm. 4. Imigassanik aalakoornartortalinnik nioqquteqarsinnaanermut/sassaallersinnaanermut aamma ataasiaannartumik akuersissutinik tunniussinissamut kiisalu § 13, imm. 6 malillugu allataqarnissamut akiliutissat aalajangersarnissaannut akileqquneqarnissaannullu Naalakkersuisut piginnaatinneqarput. Akiliutissap annertussusissaa akilersinniarneqarnissaalu pillugit maleruagassat erseqqinnerusut Naalakkersuisut aalajangersarsinnaavaat. Akiliutit Landskarsimut nakkartinneqassapput.
Imm. 5. Ataasiaannartumik akuersissutit isikkui imarisaallu kiisalu piumasaqaatit suut ataasiaannartumik akuersissutini eqqortinneqarsimanissaat pillugit aalajangersakkat erseqqinnerusut Naalakkersuisut aalajangersaasinnaapput.
Imm. 6. Akuersissutini allataqarnissamut kiisalu akuersissutini piffissamut nal. 24.00-imiit 02.00-imut allatanut akuersissutinullu §13, imm. 6-imi taaneqartunut pissutissaatitaasussat piu-masaqaatillu pillugit maleruagassat erseqqinnerusut Naalakkersuisut aalajangersarsinnaavaat.
Imm. 7. Mittarfinni kioskit akunnittarfiillu unnuiffiusut § 13, imm. 2-mi taaneqartut aammalu akuersissuteqarnissamut pissutissaatitaasut kiisalu akuersissummi piffissami taaneqartumi inuit sassaallerfigineqarsinnaasut killiliiffigineqarnissaat pillugu aalajangersakkat erseqqinnerusut Naalakkersuisut aalajangersarsinnaavaat.

§ 25. Init taamaaqataasalu imigassanik aalakoornartortalinnik nioqquteqarfiusut sassaallerfiusulluunniit aaqqissugaanerinut atorneqarnerinullu maleruagassat Naalakkersuisut aalajangersarsinnaavaat. Makku pillugit maleruagassat aalajangersarneqarsinnaapput
1) init nioqquteqartarfiit sassaallertarfiillu, igaffiit perusuersartarfiillu amerlassusii, angissusii inissisimanerilu,
2) eqqissisimatitsinissamut torersuunissamullu iliuusissat aammalu suliffiup ingerlanneqarnerata pisariaqanngitsumik allanut akornutaannginnissaanut qularnaarutit, aamma
3) inip sassaallertarfiup ataatsikkut qassinik isersimasoqarsinnaanera.
Imm. 2. Init atorneqalinnginnerminni akuerineqassapput.
Imm. 3. Oqartussaasut sorliit init atorneqarnissaannut akuersisartuussanersut aamma maleruagassatut aalajangersarneqarsimasut malinneqarnerinik nakkutiginnittuussanersut Naalakkersuisut aalajangersassavaat.

§ 26. Immikkut pisoqartillugu Naalakkersuisut maleruagassiorsinnaavaat
1) imigassanik aalakoornartortalinnik nioqquteqarnissamut sassaallernissamulluunniit, matumanittaaq nerisassanik angerlaassassanik pisinermut atatillugu nioqquteqarnermut, kapitali 4-mi piffissaliussat allaasut,
2) imigassanik kimittuunik kimikitsunillu nioqquteqarneq sassaallertarnerlunniit tamarmi unitsinneqassasoq aamma
3) imigassanik kimittuunik kimikitsunillu nioqquteqarnermut sassaallertarnermulluunniit immikkut aaqqissuussinerit, matumanittaaq nuna tamakkerlugu najukkaniluunniit ataasiakkaani killilersuinerit, imaluunniit kommunimi nunaqarfimmuinnaq atuuttumik allatsitseqqaartarnissamik aaqqissuussinerit kommunalbestyrelsimit aqunneqassasut.
Imm. 2. Imigassanik aalakoornartortalinik nioqquteqarnermi sassaallertarnermilu akit iluanaarutillu qummut qaangeqqusaanngitsut Naalakkersuisut aalajangersarsinnaavaat.
Imm. 3. Suliffinni imigassanik aalakoornartortalinnik imernissap inerteqqutaanera pillugu immikkut maleruagassat Naalakkersuisut aalajangersarsinnaavaat.
Imm. 4. Najukkani kommunit aggornerisa avataanniittuni imigassanik nioqquteqarsinnaanermut akuersissuteqartarnerit arsaarinnissuteqartarnerillu pillugit Naalakkersuisut aalajangersaasinnaapput. Aalajangersakkat imm. 1-imi taaneqartutut ittut najukkani kommunit aggornerisa avataanniittuni aamma atuutissasut Naalakkersuisut aalajangersarsinnaavaat.
Imm. 5. Inatsit manna malillugu aqutsinermi imigassanik aalakoornartortalinnik nioqquteqarsinnaanermut/sassaallersinnaanermut akuersissutinik qinnuteqarnermi akuersissutinillu tunniussinermi immersugassat Naalakkersuisut akuerisaat atorneqassasut Naalakkersuisut aalajangersinnaavaat.
Imm. 6. Imigassanik kimittuunik kimikitsunillu umiarsuarni nioqquteqarnissaq sassaallernissarlu pillugit Naalakkersuisut aalajangersaasinnaapput.

Pineqaatissiissutissat

§ 27. § 2-mik, § 3 imm. 4 aamma 5-imik, § 4 imm. 5-10-mik, § 7-mik, § 8-mik, § 9-mik, §§-inik 11-miit 14-imut, § 20 malillugu peqqussummik unioqqutitsinerit, § 3 imm. 2-mi oqaaseqatigiit aappaat imaluunniit § 6 imm. 1-imi oqaaseqatigiit siulliit malillugit piumasaqaatitut aalajangersakkanik unioqqutitsinerit, § 16-imik aamma §§-inik 17-imiit 23-mut unioqqutitsinerit pillaammik akiliisitsissutaasinnaapput. Unioqqutitsineq § 6-imi aalajangersakkanik aamma unioqqutitsineruppat imigassanik aalakoornartortalinnik nioqquteqarsinnaanermut/sassaaller-sinnaanermut akuersissummik arsaarinnittoqarsinnaavoq.
Imm. 2. Inatsisip matuma aalajangersagaanut akerliusumik imigassanik aalakoornartortalinnik imertoq, pisisoq imminut pissarsisittoq allanulluunniit pissarsisitsisoq kinaluunniit pillaammik akiliisinneqarsinnaavoq.
Imm. 3. Inatsisartut inatsisaat manna malillugu maleruaqqusatut aalajangersakkani aalajangersarneqarsinnaavoq maleruaqqusami aalajangersakkanik unioqqutitsinerit pillaammik akiliisitsissutaasinnaasut arsaarinnissutaasinnaasulluunniit. Aammattaaq killilersuinermi pointit arsaarinnissutigineqarsinnaanerat maleruaqqusani aalajangersarneqarsinnaavoq.
Imm. 4. Unioqqutitsinerit aktiaateqarluni ingerlatseqatigiiffinnit, piginneqataassuteqarnikkut ingerlatseqatigiiffinnit imaluunniit piginneqatigiiffinnit taakkuluunniit assigisaannit piliarineqartut ingerlatseqatigiiffik taamaattutut pillaammik akiliisussanngortinneqarsinnaavoq. Unioqqutitsineq (naalagaaffimmit) namminersornerullutik oqartussanit, kommunimit imaluunniit kommunit suliniaqatigiiffianit, kommunalbestyrelsit nunaqarfinnilu aqutsisut il.il. pillugit inatsisartut inatsisaanni § 64-imi pineqartunut ilaasumit, piliaappat (naalagaaffik) namminersornerullutik oqartussat, kommunalbestyrelsi imaluunniit kommunit suliniaqatigiiffiat pillaammik akiliisussanngortinneqarsinnaavoq.
Imm. 5. Akuersissummik piginnittuusoq aamma suliffimmi imigassanik aalakoornartortalinnik nioqquteqartumi sassaallertartumiluunniit nioqquteqarnermut sassaallertarnermulluunniit akisussaasuusoq §§-inik 11-miit 14-imut aamma § 22-imik, aammalu inatsit malillugu maleruaqqusanik peqqussutinillu unioqqutitsinernut suliffimmi sulisunit piliarineqartunut, unioqqutitsineq piaaraluneernikkut mianersuaalliornikkulluunniit piliaasimagaluarpalluunniit, pillaammik akiliisussanngortinneqarsinnaapput.
Imm. 6. Aalakoornartulinnik angerlarsimaffinni imigassaliat, aalakoornartulinnik angerlarsimaffinni imigassaliornissamut nalinginnaasumik atorneqarsinnaasut atortussat kiisalu nioqqutissiat § 16 imm. 2-mi taaneqartut arsaarinnissutigineqarsinnaapput.

Naammagittaalliorsinnaaneq

§ 28. Akuersissummik tunniussinissaq akuersissummilluunniit nutarterinissaq imaluunniit pisortaatitap akuerineqarnissaa kommunalbestyrelsip itigartitsissutigippagu, imaluunniit pissutsit annertuumik allanngornerat patsisigalugu akuersissummik piginnittuusoq akuersissummik arsaarneqassasoq imaluunniit sumiginnaaneq patsisigalugu akuersissut arsaarinnissutigineqarallassasoq ataavartumilluunniit arsaarinnissutigineqassasoq kommunalbestyrelsip aalajangiuppagu aalajangiinerup pineqartumut nalunaarutigineqarnerata kingorna sap. akunneri 4 qaangiutsinnagit kommunalbestyrelsip aalajangiinera Naalakkersuisunut naammagittaalliuutigineqarsinnaavoq. Kommunalbestyrelsip aalajangiinera pillugu naammagittaalliuut kinguartitsinermik sunniuteqassanngilaq.
Imm. 2. Kommunalbestyrelsip aalajangiinera allakkatigut nalunaarutigineqassaaq. Itigartitsineq tunngavilersugaassaaq allakkallu itigartitsissutit naammagittaalliornissamut periarfissamik taamaaliornissamullu piffissarititaasoq pillugu paasissutissanik imaqartinneqassapput.

 

Kapitali 8.
Atortuulersitsinermut ikaarsaariarnermullu aalajangersakkat

§ 29. Inatsisartut inatsisaat manna ulloq 1. januar 2001 atortuulerpoq, taamaattoq tak. imm. 4 aamma 5. Tamatumunnga peqatigitillugu imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaat nr. 23, 30. oktober 1992-imeersoq kiisalu imigassanik kimittuunik kimikitsunillu nioqquteqartarnermut sassaallertarnermullu piffissarititaq pillugu Namminersornerullutik Oqartussat nalunaarutaat nr. 29, 27. november 1992-imeersoq atorunnaarsinneqarput.
Imm. 2. Nalunaarutit maleruaqqusaliallu allat imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisaat nr. 23, 30. oktober 1992-imeersoq tun-ngavigalugu aalajangersarneqarsimasut atorunnaarsinneqarnissamik tungaanut atuutissapput.
Imm. 3. § 3-mi aalajangersagaq apeqqutaatinnagu imigassanik aalakoornartortalinnik nioqquteqarsinnaanermut/sassaallersinnaanermut akuersissutit inatsisip matuma atortuulerfia sioqqullugu tunniunneqarsimasut atorunnaarnissamik imaluunniit inatsit manna tunngavigalugu atorunaarsinneqarnissamik tungaanut atuutissapput. Imigassanik kimittuunik nioqquteqarsinnaanermut sassaallersinnaanermulluunniit akuersissutit atuuttuusut siusinnerusukkut inatsisiliat naapertorlugit tunniunneqarsimasut inatsisip matuma atortuulersinneqarneraniit aamma atuuffigaat imigassat kimikitsut, tamanna akuersissummi immikkut taaneqanngikkaluartoq.
Imm. 4. § 12, imm. 1 ulloq 1. august 2001 aallarnerfigalugu atortuulerpoq. Piffissami ulloq 1. januar 2001-imiit ulloq 1. august 2001-imut imigassanik kimikitsunik nioqquteqarneq ullut tamaasa sukkulluunniit pisinnaavoq.
Imm. 5. Imigassanik kimikitsunik nioqquteqarnissamut akuersissutaateqarnissamik piumasaqaat, tak. § 3, suliffeqarfinnut ulloq 31. december 2000-imi inatsimmik unioqqutitsinatik akuersissutaateqanngikkaluarlutik imigassanik kimikitsunik nioqquteqartunut aatsaat atortuulissaaq ulloq 1. august 2001. Pinngitsoortitsineq sassaallernermut atortuutinneqanngilaq.

§ 30. Inatsisartut inatsisaat manna Kalaallit Nunaata illersorneqarnissaa pillugu 27. april 1951-imi Isumaqatigiissutigineqarsimasoq kingusinnerusukkullu allannguuteqartinneqartarsimasoq naapertorlugu sumiiffinnut sakkutooqarfinnut atuutinngilaq.

Namminersornerullutik Oqartussat, ulloq uu. qqqq 2000

Jonathan Motzfeldt

/

Simon Olsen